Kriseleiing

Fitjar kommune har gjort grundige risiko- og sårbarhetsanalysar og fastlagt beredskapsplanar for krisesituasjonar. Det føreligg i tillegg handlingsplanar for ulike hendingar som kan skje i kommunen.  Kommunedirektøren og kriseleiinga koordinerer kommunen sine samla ressursar i dei tilfellene der hendingar utfordrar lokalsamfunnet.

Kommunestyret har vedteke følgjande mål for arbeidet med samfunnstryggleik og beredskap i Fitjar kommune:

1. Førebyggjande og risikoreduserande tiltak skal gjera Fitjar kommune til eit tryggare samfunn.
2. Fitjar kommune skal ha oppdaterte planar og jamlege kriseøvingar for å redusera konsekvensar av hendingar.
3. Fitjar kommune skal leggja planar for i størst mogleg grad å halde oppe drift av samfunnskritiske tenester i krisesituasjonar.

I samarbeid med Statsforvaltaren i Vestland og nabokommunane held Fitjar kommune jamnlege øvingar, både knytt til kriseleiinga og driftsorganisasjonen. Gjennom slike øvingar sikrar kommunen at planar er oppdaterte og aktørar trente.

I ekstraordinære situasjonar krevst heilskapleg koordinering av dei kommunale ressursane. I slike situasjonar kallar kommunedirektøren saman kriseleiinga. Medan ordføraren har hovudansvaret for ekstern kommunikasjon, har kommunedirektøren ansvaret som kriseleiar. 

Kriseleiinga består av:

Kommunedirektør
Ordførar
Brann- og beredskapssjef
Personal- og organisasjonssjef 
Etatsjef for helse og omsorg 
Etatsjef for oppvekst og kultur 
Kultur- og informasjonssjef 
Økonomisjef 
IT-sjef
Etatsjef samfunnsutvikling og drift 
Kundetorget har ansvar for loggføring

Strategisk leiing

Fitjar brann og redning