Kommunane har ansvar for å overvake miljøtilstanden i vassdrag og sjø og iverksette nødvendige miljøtiltak. Forureiningsforskrifta § 12-6 gir kommunane heimel til å fastsetje lokale forskrifter med strengare utsleppskrav enn dei sentrale reglane, dersom spesielle resipientforhold tilseier det.
I 2008 vedtok Fitjar og Stord ei lokal forskrift om utslepp frå mindre avløpsanlegg. Kommunen vurderer no at forskrifta er forelda og bør opphevast, slik at utsleppssaker vert regulerte av den sentrale forureiningsforskrifta. Oppheving av den lokale forskrifta vil sikre ei meir fleksibel forvaltning av avløpsutslepp, tilpassa resipientane si toleevne og miljømål.
Saksdokumenta finn du her:
Møtebok Utval for plan og miljø 11.03.2025
Forslag til forskrift
Har du innspel til høyringa, ber vi deg sende dette til:
fitjar@fitjar.kommune.no
Høyringsfrist: 08.05.2025